Armenian Mirror

DЕТИ PICASSO

Sat, 26 Apr 2008 11:41:38 GMT

Էթնիկ երաժշտության ռոք մշակումներ միշտ սիրել եմ։ Ցավալի է նշել, որ հայկական էթնիկ ռոքի հաջողված օրինակներ հազվադեպ են պատահում։ Այս մեկը երեկվանից ուրախացնում է ականջներս։

Ապրիլի 24–ի առաջին հիշողությունս

Thu, 24 Apr 2008 08:53:00 GMT

– Մա՛մ, էս ու՞ր ենք էկել։
– Է՞ս, հուշարձան ա բալես։
– Ի՞նչ հուշարձան ա։
– Մի մեեեեծ պատերազմ ա էղել, էդ պատերազմի ժամանակ շատ հայեր են զոհվել, այ իրանց հուշարձանն ա։
– Մա՛մ, բա հայերը ու՞մ հետ էին կռվում։
– Թուրքերի։
– Մա՛մ, բայց հայերը հաղթել են չէ՞։
– ...... հա, բա ո՞նց։

Լավ հիշում են մորս շիվարած հայացքն ու մի քանի վայրկյան լռությունը ու անչափ երախտապարտ եմ, որ հենց էդպիսի պատասխան տվեց։

Գազային թվաբանություն

Thu, 17 Apr 2008 04:50:04 GMT

2 տարի առաջ, երբ մեր ռուս եղբայրները թանկացրին գազի սակագինը և հասցրին 110$–ի, հանրային ծառայությունները կարգավորող հանձնաժողովը հաստատեց գազի 1խմ–ի մանրածախ գինը՝ 84 դրամ ։ Հիշենք, որ այն ժամանակ 110$–ը ավելի քան 40000 դրամ էր, իսկ հիմա ընդամենը 34000։
Ինչ որ մեկը կարո՞ղ է բացատրել, թե ինչու 2 տարի առաջ հաստատված գազի սակագինը չի վերանայվում՝ փոխարժեքի այսպիսի փոփոխության դեպքում։

P.S. Նկատենք, որ 10000խմ–ից ավել օգտագործման դեպքում սակագինը 153,26 դոլար է, այսինքն խոշոր օգտագործողներն օգտվում են դոլարի արժեզրկումից, իսկ մանրերը ոչ։ ԻՆՉՈՒ՞

Մարդու և կովի հիբրիդ

Wed, 02 Apr 2008 14:43:15 GMT

http://www.panorama.am/am/health/2008/04/02/hibrid/

Քաղաքացի Կորեյկո, դուք առաջացել եք ոչ թե կապիկից, ինչպես բոլոր մարդիկ, այլ կովից.....

ԶԳՈՒՇԱՑԵՔ ԿԼՈՆԵՐԻՑ

Wed, 12 Mar 2008 08:59:58 GMT

հարգելի ԿՄ ընկերներ

երեկ Սերժ Սարգսյանի բլոգում իմ տրված հարցին մարտի 1–ի իրադարձություններից հետևություններ անելու վերաբերյալ այսօր ստացել եմ պատասխան նամակ հետևյալ բովանդակությամբ՝

––––––––––––––––––––––––––––––––––
Միակ հետևությունը դա այն է, որ մեր իրավապահ մարմիները չափից ավելի
փափուկ էին տրամադրված ընդիմության դավաճանական արարքների նկատմամբ: Մենք մտադիր ենք խորհրդարանում առաջարկել օրենքների
մի փաթետ, ըստ որի ցանկացած նման դավաճանության դեպք կպատժվի
ամենայն խստությամբ. ընդիմության ցանկացած մասնակից` դատական ճեպընթացից հետո, կուղարկվեն ուղղիչ գաղութներ, որտեղ հնարավորություն կունենան մտածել իրենց վարքի և հայրենասիրուտյան հասկացության մասին:
–––––––––––––––––––––––––––––––––

Ճիշտն ասած սկզբի մի քանի րոպեն շոկի մեջ էի, քանի որ նման պատասխան չէի սպասում, հետո պատասխանի ոճը կասկածելի թվաց, հետո հենց բլոգում ստուգեցի ու տեսա, որ այնտեղ իմ հարցին պատասխան չկար։ Ավելի ուշադիր նայելով թե ումից է նամակը հայտնաբերեցի, որ կլոնից է՝ serzhsargssian serzhsargssyan–ի փոխարեն։

Խնդրում եմ տարածեք, որ մյուսներն էլ իմանան։

Շնորհավորանքներս Հ1–ին

Fri, 29 Feb 2008 12:29:26 GMT

Հարգելի Հ1–ի անձնակազմ, ընդունեք իմ ջերմ շնորհավորանքներն առ այն, որ ձեր հեռուստակայանը սկսեց ընդունվել հասարակության կողմից ճիշտ այնպես, ինչպես ԽՍՀՄ–ի պայծառ ժամանակներում ընդունվում էր "ՎՐԵՄՅԱ" լրատվական ծրագիրը։ Դուք ջանք ու եռանդ չխնայեցիք այդ բարձր արդյունքին հասնելու համար։ Ձեզ անխափան եթեր և նորանոր ստեղծագործական հաջողություններ։

Tue, 26 Feb 2008 14:14:47 GMT

Ղարաբաղցի եմ:

ԱՐԵՎԱԾԱՂԿԻ ՀԵՂԱՓՈԽՈւԹՅՈՒՆ

Sun, 24 Feb 2008 08:20:07 GMT

Երեկ մոտ 30 րոպե կանգնեցի միտինգավորների հետ, նայեցի երթը։ Փաստ է, որ բողոքի ալիքը կա, այն բարձրացված է և բավականին մեծ է, թե ում կողմից և ինչ նպատակներով է բարձրացված՝ սա ուրիշ հարց է։ Հիմա շատ լավ կլիներ, եթե ինչ–որ ձևով այս ալիքը պրոլևոնականից փոխվեր հակաընտրակեղծիքականի և միտինգավորները "ԼԵՎՈՆ–ԼԵՎՈՆ"–ի փոխարեն գոչեին "ՈՉ ԸՆՏՐԱԿԵՂԾԻՔՆԵՐԻՆ", Լևոնի մասնակցությունն էլ ընկալվեր որպես "մոլորյալ զավակ"–ի վերադարձ և մեղքերի թողություն, ընդ որում բոլորովին կարևոր չէ Լևոնը իրապես զղջում է, թե ոչ։

Այսպիսի շարժում սկսելու լավ առիթ է narjan–ի առաջարկած այս ակցիան։

P.S. եթե այնուամենայնիվ այս միտինգների արդյունքում իշխանափոխություն տեղի ունենա, ապա այն հստակ կարելի է անվանել արևածաղիկների հեղափոխություն, ավելի ճիշտ՝ արևածաղկի սերմերի։ ՉՐԹՈՒՄ ԵՆ ԲՈԼՈՐԸԸԸԸԸԸԸԸ։

Ռեպորտաժ Երկիր Մեդիայից

Wed, 13 Feb 2008 06:10:06 GMT

Երեկ մարկանց մի ոչ մեծ խումբ պիկետ էր կազմակերպել մի շենքի դիմաց (երևի նախընտրական շտաբ էր), որտեղ գտնվում էր ԼՏՊ–ն ։ Ցուցարարները բռնած ունեին հակալևոնական պաստառներ և բավականին հանգիստ կանգնած էին (համենայնդեպս այդպես երևաց հեռուստառեպորտաժից), շուրջը կային նաև ոստիկաններ։ Հետո ԼՏՊ–ն դուրս եկավ և սկսեց բանակցել ոստիկաններից մեկի հետ և պահանջել, որ ցրեն ցուցարարներին։ Ոստիկանի այն հարցից հետո, թե ինչո՞ւ պիտի ցրեն, եթե մարդիկ ընդհամենը հանգիստ կանգնած են, ԼՏՊ–ն սպառնաց, որ իրենք ունեն այդտեղ գտնվող բոլոր ոստիկանների նկարները և որ 10 օր հետո նրանք բոլորը պատասխան են տալու (այսինքն՝ պատասխան են տալու խաղաղ ցույցը չցրելու համար)։
Պարզ է, թե սա ինչպես է պայքարելու իր ընդդիմախոսների դեմ, եթե ընտրվի։

P.S. Հարգելի ԼՏՊ–ի կողմնակիցներ, խնդրում եմ նկատեք, որ ես չեմ ասում, թե այսօրվա իշխանությունը շատ տոլերանտ է, ուղղակի ձեր պաշտպանած ԼՏՊ–ն էլ նույն զիբիլն է։

Thu, 31 Jan 2008 09:02:03 GMT

Երբ 1996–ի քարոզարշավի ընթացքում Վազգեն Մանուկյանն իր ծրագրում խոստանում էր բարձրացնել աշխատավարձերը 3 անգամ, երկնագույն էկրանից Լևոնն իրեն հատուկ ոճով բացատրում էր, թե իրենք հենց վաղը կարող են դա անել, բայց դրա հետևանքով առաջացած սղաճը արդյունքը կհավասարեցնի 0–ի, և նրա ամբողջ կերպարանքն արհամարհանք էր արտահայտում նման կիսագրագիտության նկատմամբ։ Այսօր նրա նախընտրական ծրագրում տեղ է գտել թոշակների 3 և աշխատավարձերի 2 անգամ բարձրացումը, բա ու՞ր մնաց սղաճը։

Նոր–Նորքում ընրողների հետ հանդիպման ժամանակ Սերժ Սարգսյանը շատ վրդվովվում էր, թե այդ ինչպե՞ս են պատրաստվում համ կրճատել հարկերը համ էլ ավելացնել բյուջետային աշխատավարձերը։ Այս մարդն իրո՞ք չի հասկանում, թե՞ ձևացնում է։

Արթուր Բաղդասարյանն իհարկե անցավ բոլոր ռեկորդները, առաջարկելով անցնել պայմանագրային բանակի, քանի որ վտանգի դեպքում միշտ էլ կարելի է ընդհանուր զորահավաք անցկացնել։ Իսկ որ զինվորական ծառայություն չանցածները կանոնավոր բանակ չեն կարող լինել այլ լավագույն դեպքում թնդանոթի միս, երևի գլխի չի ընկնում։ Ընդհանրապես ինչու՞ մինչև հիմա ոչ ոք նրան տեղյակ չի պահել, որ ցանկացած երկրի ռեզերվը հաշվվում է զինվորական ծառայություն անցածներով։

Thu, 24 Jan 2008 09:31:38 GMT

Սուրում էի աշխարհով մեկ՝ հուր աղվեսին հեծած,
Երբ ամպրոպից զարթնած ծիտը նամակ բերեց հանկարծ,
Նամակը այդ ինձ հիշեցրեց ջահել օրերն անցած,
Երբ նամակը գրողի հետ երգում էինք հարբած։

Tue, 22 Jan 2008 17:46:29 GMT

Մի բավականին հայտնի գրքում կա մի բավականին հայտնի միտք՝

Ты должен сделать добро из зла, потому что его больше не из чего делать.

Եթե տեղադրենք "добро"=ընտրապայքար և "зло"=ԼՏՊ, կստանանք, որ ամեն ինչ այդքան էլ վատ չէ, մանավանդ որ "зло"-ի հաղթելու շանսերը մինիմալ են և մեզ մնում է միայն "добро"–ն։

P.S. ինքս ինձ հույս եմ տալիս :)

Thu, 17 Jan 2008 10:37:18 GMT

Հենց նոր դուռս զանգեցին ՄԻԱԿները և ասեցին ինձ 10 պատճառ, թե ինչու ես պետք է ընտրեմ Սերժ Սարգսյանին, ես էլ ասեցի այն ամենը ինչ իրենց մասին մտածում եմ, մի քիչ տխրեցին, չհասկացա ինչու։

Sat, 12 Jan 2008 08:54:51 GMT

Կքվեարկեի դաշնակների օգտին, եթե համոզված լինեի, որ այլևս փանջունիներ չեն, ավաղ համոզված չեմ։

Sat, 22 Dec 2007 08:15:55 GMT

Պետք է միշտ հիշել, որ երբ մենք վայելում ենք խաղաղ երեկոն ընտանեկան շրջապատում, ցքցքում ենք կլուբում կամ գրում ենք հայրենաշունչ, բոցավառ, պատրիոտիկ պոստ բլոգում, հենց այդ նույն րոպեին որևէ ոստիկանատան խցում ջարդում են մեր եղբոր ողերը, էլ չեմ ասում զինվորական ոստիկանատների մասին, որտեղ խոշտանգումները հիշեցնում են ինկվիզիցիան։ Իսկ երբ վաղը այդ նուն ոստիկանատանը կճզմեն մեր երիկամները, մեր մնացած եղբայրներն ու քույրերը հանգիստ կնայեն "2 աստղ" զարմանահրաշ ծրագիրը կամ թրև կգան սրճարաններում, բայց հո չե՞նք կարող նեղանալ, մենք էլ ենք նույնն արել։

Լավագույն տարբերակը

Mon, 17 Dec 2007 10:13:54 GMT

Ենթադրենք մի օր Ալիեվ կրտսերը, բուռն գիշերվանից հետո արթնանալով շատ բարձր տրամադրությամբ, ասում է

"Սիրելի հայեր (արդեն խնդալու ա), որոշել եմ Ղարաբաղյան հարցում համաձայնվել ձեր համար լավագույն տարբերակին, Ղարաբաղը ստանում է անկախություն ԼՂԻՄ+Քելբաջար+Լաչին սահամաններում, մենակ թե թողեք էս մեր խեղճ փախստականները հետ գան իրանց տները ու սրանից հետո հաշտ–համերաշխ ապրելու ենք"։

Դե պարզ ա, մենք մի հատ ուշաթափվում ենք անսպասելիությունից հետո ուշքի ենք գալիս ու մի հատ էլ ուշաթափվում ենք հրճվանքից հետո քեֆ–ուրախություն, տաշի–տուշի, պրեզիդենտի շնորհավորական ուղղերձ, փախստականների վերադարձ և այլն։

Բոլորիս հայտնի է մեր և ադրբեջանցիների ծնելիության մակարդակների տարբերությունը և 50 տարի անց Արցախում և հարակից շրջաններում հայ։ադրբեջանցի 9։1 հարաբերակցությունը դառնում է 5։5, իսկ եվս մի 50 տարի հետո 1։9 և ինքնաբերաբար տարածաշրջանը կորցնում ենք։

Կասկածներ ունեմ, որ մոտավորապես նույն սցենարով ենք կորցրել մեր հայրենիքի մեծ մասը։

Էս էլ մեզ լավագույն տարբերակ։

Wed, 05 Dec 2007 05:54:19 GMT

Отчаянно ищу ~~Сьюзан~~ альтернативу

Ի՞նչ կարծիքի եք Արման Մելիքյանի մասին։

Thu, 22 Nov 2007 16:29:54 GMT

Հիշում եմ ԼՏՊ–ն իր հրաժարականից մի 3–4 օր առաջ մամուլի ասուլիս տվեց, որտեղ մեկնաբանում էր, թե ինչ նախնական պայմանավորվածություններ կան արցախյան հարցում և ինչպիսի փուլային սցենար է պլանավորվում։ Հիշում եմ, որ դա դիտել եմ ուշ երեկոյան, իսկ հետո չէի կարողանում քնել, որովհետեւ շատ դառնացած էի ներկայացված սցենարից։ Չեմ հիշում, որ այս 10 տարվա ընթացքում գոնե 1 անգամ այդ ասուլիսը նորից եթեր տան։ Մի՞թե ժապավենն էլ է կորել։

Wed, 21 Nov 2007 05:54:01 GMT

Չե՞ս ուզում գունավոր հեղափոխություն, մի՛ գցիր վկային պատուհանից։

Sat, 03 Nov 2007 07:35:14 GMT

էսօր վերջապես իմ առաջ բացվեցին ճշմարտության դռները և ես հասկացա ։)

Հայստանը ունի գերկայացած քաղաքական դաշտ, ինչպես ԱՄՆ–ը կամ Անգլիան, մենք ունենք ընդամենը 2 կուսակցություն՝ ՀՀԿ(Republicans) և ՀՀՇ(Democrats), եթե մեկը իշխանություն է ուրեմն մյուսն ընդիմություն է (կամ մյուսն է ընդիմությունը) և հակառակը ;)

Վերջ ժողովուրդ ջան, կայացել պրծել ենք, հանգիստ գնացեք ձեր գործին։

Thu, 01 Nov 2007 09:07:30 GMT

Եթե մինչև 2008 թիվը մեր տնտեսությունը ավելի "ինտեգրվի" ռուսականի հետ, իսկ Արցախի հարցում ստորագրվի որևէ պայմանագիր, որով Արցախը կմնա Ադրբեջանի կազմում (թեկուզև հետագայում հանարաքվե անցկացնելու մշուշոտ հեռանակարով), ապա կստացվի, որ 20 տարում (1988-2008) փոշիացվեց ազգային զարթոնքի և ազատագրական պայքարի հսկայական ալիքը և արդյունքները զրոյական են։ Ապարդյուն էին մեր բոլորի զրկանքներն ու "ըմբռնումով մոտենալը" ։
Եթե սրան միացնենք նաև ազատության հրապարակում նորից հնչող "ԼԵՎՈՆ-ԼԵՎՈՆ"-ը ապա ստանում ենք կատարյալ դեժավյու։
Մի խոսքով՝ WELCOME BACK TO USSR.

Wed, 31 Oct 2007 07:53:14 GMT

Կրոնական հարցերով երբեք չեմ վիճում ուրիշների հետ, միայն ինքս իմ, որովհետև այս հարցում ինքս չունեմ վերջնական պատասխան/լուծում նույնիսկ համարում եմ, որ այս հարցում չի էլ կարող լինել վերջնական բանաձև (այստեղ իմ համոզմունքները մոտ են ագնոստիկներին)։
Միայն ժամանակ առ ժամանակ ինքս իմ մեջ վերադառնում եմ այս խնդրին՝ հերքելու համար նախորդ ստացածս բանաձևը և ստանալու համար նորը։ Վերջին ստացածս հետևյալն է՝ "бог существует с точностью до изоморфизма".

Sat, 27 Oct 2007 07:26:12 GMT

Ընդունված է, որ կա արցախյան հարցի վերջնական կարգավորման երկու սկզբունք, կամ "ազգերի ինքնորոշման", կամ "տարածքային ամբողջականության", և բանակցությունները հիմնականում ընթանում են այս երկու սկզբունքների հիման վրա փոխզիջումային տարբերակ գտնելու համար։

Ինձ հետքրքիր է, իսկ գոնե մեր հատուկ ծառայությունները գոնե թեորիապես ընդունու՞մ են, որ կարող է լինել նաև երրորդ տարբերակը, ասենք՝ Ադրբեջանի որպես ամբողջական պետություն լինելը դադարումը կամ անցումը ֆեդերատիվ/կոնֆեդերատիվ պետականության մոդելի, և ինչ–որ աշխատանք այդ առումով տարվու՞մ է, թե՞ մեր հատուկ ծառայությունները միայն ներքին օգտագործման համար են (հեռախոս լսել, մարդ ծեծել...)

Զարմանում եմ

Wed, 24 Oct 2007 11:31:33 GMT

Ես հաճախ զարմանում եմ, թե ինչու մեր լիբերալների այն մասը, որը ընտրելու է ԼՏՊ–ին, նրա փոխարեն չի ընտրում Պարույրին, չէ՞ որ այն գաղափարներն ու հատկանիշները, որոնց համար նրանք ընտրելու են ԼՏՊ–ին, Պարույրի մոտ ավելի շատ են ու վառ արտահայտված։

Սկսեմ

Thu, 04 Oct 2007 09:12:04 GMT

Այսօր քաղաքական երկու ճամբարները, և՛ իշխանական և՛ Տեր–Պետրոսյանական, որպես իրենց նախընտրելիության ապացույց բերում են տրամաբանությունից բավականին հեռու փաստարկներ։

Իշխանության փաստարկ – "Մեր օրոք մի քանի տարի շարունակ գրանցվել է երկնիշ տնտեսական աճ, իսկ երկրի բյուջեն ավելացել է ութ անգամ"

Նկատենք, որ բոլորովին ապացուցված չէ և նույնիսկ անապացուցելի է, որ նախորդ իշխանությունների օրոք նման աճ չէր լինի։

ԼՏՊականների փաստարկ – "Մեր օրոք կոռուպցիա թեև կար, բայց այսքան համատարած չէր, իսկ ընտրախախտումները անհամեմատելի քիչ էին"

Նկատենք, որ բոլորովին ապացուցված չէ և նույնիսկ անապացուցելի է, որ կոռուպցիան և ընտրախախտումները չէին հասնի այսօրվա մակարդակին, եթե նույնիսկ նախորդ իշխանությունը մնար, չէ՞ որ դժվարը սկսելն է։

Եվ զարմանալի է, որ բազում մարդ, նաև կրթված ու բանիմաց, ուտում են այս փաստարկների կուտը ու քննարկում են ու վիճում են ու ապացուցում են ու հերքում են նույն այս անիմաստ փաստարկները։